Rusia pretendon se ka marrë kontrollin e 2 vendbanimeve të tjera në Ukrainë

Rusia tha se forcat e saj kanë marrë kontrollin e dy fshatrave të tjerë në rajonin Donetsk të Ukrainës, transmeton Anadolu.

Sipas një deklarate të Ministrisë së Mbrojtjes, forcat ruse kanë marrë fshatrat Novopustynka dhe Uspenivka.

Uspenivka shtrihet afërsisht 8 kilometra në jug të Kurakhoves, ndërsa Novopustynka është rreth 15 kilometra në jugperëndim të Pokrovskut, të dyja bastionet kyç të Ukrainës.

Ukraina nuk i ka komentuar ende për këto pretendime, të cilat mbeten të paverifikuara për shkak të konfliktit të vazhdueshëm.