Shefi i OKB-së ngre alarmin: Bota duhet të zgjohet

Sekretari i Përgjithshëm i Kombeve të Bashkuara (OKB), Antonio Guterres, ka ngritur alarmin në mbledhjen e liderëve botërore në Asamblenë e Përgjithshme të 76-të të OKB-së, që po mbahet në New York, duke u thënë atyre që të "zgjohen përballë sfidave kataklizmike", raporton Anadolu Agency (AA).

Duke folur në hapjen e debatit të përgjithshëm, Guterres tha se komuniteti ndërkombëtar po përballet me "kaskadën më të madhe të krizave në jetën tonë".

"Ne jemi në buzë të një humnere dhe po lëvizim në drejtim të gabuar. Bota jonë nuk ka qenë kurrë më e kërcënuar apo më e ndarë. Pandemia COVID-19 ka pabarazi të dukshme të jashtëzakonshme. Kriza klimatike po godet planetin. Përmbysja nga Afganistani në Etiopi, në Jemen dhe më gjerë ka penguar paqen. Një rritje e mosbesimit dhe dezinformatave po polarizon njerëzit dhe po paralizon shoqërinë. Të drejtat e njeriut janë nën zjarr dhe shkenca është nën sulm", deklaroi Guterres.

Guterres kritikoi pabarazinë e madhe në qasjen ndaj vaksinave në botën e zhvilluar që mendojnë për doza përforcuese për popullsinë e tyre, ndërkohë shumë rajone në zhvillim në mënyrë të dëshpëruar po kërkojnë imunizimet.

"Kjo është një padi morale në gjendjen e botës sonë. Kjo është turp. Ne e kaluam testin e shkencës, por po marrim një 'F' (dështim) në etikë", tha Guterres.

Më tej, shefi i OKB-së paralajmëroi se angazhimet aktuale kombëtare mbi klimën do të regjistrojnë 60 për qind rritje deri në vitin 2030, gjë për të cilën ai tha se do të sjell një "peizazh ferri të rritjes së temperaturave për të paktën 2,7 gradë mbi nivelet para-industriale", ndërkohë që kombet mbeten "vite drite larg nga arritja e objektivave tona".

Ai paralajmëroi për rreziqet që vijnë nga konkurrenca e vazhdueshme e fuqive të mëdha midis Kinës dhe SHBA-së, duke shprehur frikë se bota shkon drejt "dy grupeve të ndryshme të rregullave ekonomike, tregtare, financiare dhe teknologjike, dy qasjeve divergjente në zhvillimin e inteligjencës artificiale dhe në fund rrezikut të dy strategjive të ndryshme ushtarake dhe gjeopolitike".

"Dhe kjo është një recetë për telashe. Do të ishte shumë më pak e parashikueshme se Lufta e Ftohtë", tha Guterres.