Shkencëtarët: Toka më e ngrohtë gjatë 120.000 viteve të fundit

SAN FRANCISCO (AA) – Pas hulumtimeve të reja shkencëtarët amerikanë pohojnë se Toka momentalisht është më e ngrohtë në 120.000 vitet e fundit, raporton Anadolu Agency (AA).

Shkencëtarët në Universitetin Stanford me eksperten e Agjencisë amerikane për mbrojtje të mjedisit Carolyn Snyder realizuan hulumtimin i cili bazohet në të dhënat klimatike globale gjatë dy milionë viteve të kaluara.

Hulumtimi është zbatuar në bazë të mostrave të truallit nga pjesë të ndryshme të Tokës, ndërsa rezultatet e hulumtimit përfshijnë edhe vlerësimin për vazhdimin e ngrohjes së sipërfaqes së tokës.