Sri Lankë, rritet në 169 numri i viktimave nga përmbytjet

KOLOMBO (AA) - Është rritur në 169 numri i personave që kanë humbur jetën si pasojë e vërshimeve dhe rrëshqitjeve të dheut që ndodhën në Sri Lankë ditën e premte, njoftojnë autoritetet vendase, transmeton Anadolu Agency (AA).

Autoritet po ashtu kanë njoftuar se ende nuk dihet fati i 102 personave të tjerë dhe se 100 të tjerë janë vendosur në kampet të evakuimit.

Ministri i Shëndetësisë, Rajitha Searathna, ka theksuar se në rajonin e katastrofës janë dërguar ekipe shëndetësore dhe pajisje mjekësore.

Ndryshe, edhe në vitin e kaluar në muajin maj në Sri Lankë kishin ndodhur rrëshqitje të dheut, ku kishin humbur jetën më shumë se 100 persona.