Ushtria libiane neutralizoi 10 pjesëtarë të milicisë së Haftarit

Së paku 10 pjesëtarë të milicisë së komandantit puçist Khalifa Haftar u neutralizuan të dielën gjatë sulmeve nga ushtria libiane, transmeton Anadolu Agency (AA).

Ushtria shkatërroi katër pika vëzhgimi në frontin Mashru në Tripolin jugor, duke vrarë ose plagosur gjithsej 18 militantë dhe mercenarë, tha në një deklaratë zyra e mediave e operacionit të udhëhequr nga qeveria "Burkan Al-Ghadab".

Të shtunën, së paku gjashtë civilë u vranë kur milicia e Haftarit filloi sulme me raketa në Aeroportin Ndërkombëtar të Mitiga në kryeqytet.

Sulmet ndodhën disa orë pasi Misioni i Mbështetjes së OKB-ve në Libi (UNSMIL) dënoi sulmet pa dallime ndaj civilëve në Tripoli, duke thënë se ato "mund të arrijnë në krime lufte".

Haftar, udhëheqësi i forcave të armatosura të paligjshme në Libinë lindore, ka intensifikuar sulmet ndaj civilëve që nga fillimi i majit pasi ushtria libiane kohët e fundit fitoi avantazh dhe u shkaktoi humbje të rënda militantëve të tij.