Vazhdojnë ndarjet e thella në prag të zgjedhjeve në Katalonjë

Një tjetër fushatë e tensionuar zgjedhore shkon drejt përfundimit në rajonin spanjoll të Katalonjës, megjithëse ndarjet politike dhe lëvizjet separatiste pritet të qëndrojnë shumë pas votimit të së dielës, më 14 shkurt, raporton Anadolu Agency (AA).

Partia Socialiste e Spanjës dhe Partia Sociale e Katalonjës, PSC, kanë shpresuar të udhëheqin një ndryshim në rajon që është qeverisur nga qeveritë të cilat zotohen se do të ndahen nga Spanja që nga viti 2012.

Për të tërhequr vrullin dhe ndoshta një dozë lodhje të votuesve rreth çështjes së pavarësisë, Socialistët sollën një nga udhëheqësit e tyre të profilit më të lartë. Salvador Illa, i cili ishte ministër i Shëndetësisë së Spanjës gjatë gjithë pandemisë së COVID-19, u tërhoq nga posti i tij për të kandiduar për kryeministër të Katalonjës.

Disa sondazhe kanë sugjeruar se Illa mund të fitojë zgjedhjet, megjithëse asnjëra nuk e ka as për së afërmi shumicën në Parlamentin katalonjas.

Ishte një mundësi që Illa të mund të bënte një koalicion të majtë e cila përfshinte partitë separatiste, disa prej të cilave mbështesin koalicionin qeverisës të Spanjës, por këto shpresa u shuan këtë javë.

Të mërkurën, katër partitë separatiste të Katalonjës, Së Bashku për Katalonjën (e udhëhequr nga lideri në ekzil Carles Puigdemont), e Majta Republikane e Katalonjës (kryetari i së cilës Oriol Junqueras u dënua me 13 vjet burg), Kandidatura e Unitetit Popullor (një grup radikal i ekstremit të majtë) dhe Partia Demokratike Evropiane Katalonjase (e djathta e qendrës) - të gjithë nënshkruan një pakt ku ranë dakord se nuk do të mbështesnin një qeveri socialiste katalonjase as me vota as me abstenim.

Illa e quajti paktin anti-socialist "një episod tjetër të luftimeve dhe konfrontimeve, vazhdimin e urrejtjes, përçarjen dhe dekadencën e Katalonjës".

Kundërshtimi ndaj KDP-së ishte i qartë në debatin e djeshëm televiziv. Illa ishte në qendër të kritikave, ku partitë tjera e akuzuan atë për vaksinim pa radhë, diçka të cilën ai e mohon, si dhe duke e kritikuar atë për drejtimin e tij të Spanjës gjatë pandemisë.

Partitë katalonjase pritet të formojnë një koalicion tjetër pas të dielës, megjithëse ato gjithashtu janë rrënuar nga beteja dhe një sërë problemesh ligjore që rrjedhin nga qëndrimet e tyre separatiste.

Rajoni aktualisht drejtohet nga Pere Aragones i së Majtës Republikane. Megjithatë, ai e konsideron veten një kryeministër në detyrë, pasi ish-presidenti katalonjas, Quim Torra u rrëzua pasi Gjykata e Lartë Spanjolle e ndaloi atë të mbante postet publike për shkak të refuzimit të tij për t'i hequr simbolet partiake nga ndërtesat publike gjatë zgjedhjeve të përgjithshme të Spanjës në vitin 2019.

Ndryshimi më mbresëlënës politik këtë vit është ngritja e partisë së ekstremit të djathtë Vox. Partia ka qëndrim të ashpër anti-separatist si dhe anti-emigrant.

Sondazhet sugjerojnë se jo vetëm që Vox do të fitojë ulëset e saj të para në Parlamentin katalonjas, por madje mund të kapërcejë partitë e tjera të krahut të djathtë unionist si Partia Popullore e madje edhe Qytetarët (Ciudadanos), e cila fitoi më shumë vende në zgjedhjet e fundit katalonjase, por nuk ia dolën të formojnë qeveri.