Zelenskyy: Ukraina po çliron tokat e saj hap pas hapi

Presidenti i Ukrainës, Volodymyr Zelenskyy, duke theksuar se kanë kaluar tetë muaj që kur Rusia nisi luftën e saj më 24 shkurt, tha se vazhdojnë të çlirojnë tokat ukrainase hap pas hapi, raporton Anadolu Agency (AA).

"Donbasi, Kharkiv dhe Kherson (po çlirohen). Por gjithashtu edhe Zaporizhzhia dhe Krimea. Do të vijë koha dhe e gjithë Ukraina do të jetë e lirë", Zelenskyy në një video në Telegram.

Ai theksoi se Ukraina ka mbrojtur pavarësinë e vendit dhe se Rusia nuk mund të bëjë më asgjë për këtë.

"Ukraina po shkatërron të ashtuquajturën 'ushtrinë e dytë të botës' dhe tani e tutje, Rusia do të jetë vetëm një lypës... Potenciali i Rusisë po harxhohet tani në këtë çmenduri, në luftën kundër shtetit tonë dhe gjithë botës së lirë", shtoi ai.

Zelenskyy më tej shtoi se Rusia kishte ndikim për sa i përket gazit natyror, fuqisë ushtarake dhe peshës politike, por jo më. Ai tha se është shumë e rëndësishme të ndryshohet konfigurimi i forcave në Euroazi.

"Sa më shumë nga potenciali i saj të humbasë Rusia tani, aq më shumë liri reale do të kenë të gjithë popujt pranë Rusisë dhe brenda kufijve të saj. Para së gjithash Ukraina", tha Zelenskyy.