Ayhan Şimşek
19 Maj 2020•Përditësim: 20 Maj 2020
Spanja në 24 orët e fundit ka regjistruar 83 viktima të tjera nga koronavirusi i ri (COVID-19), me çka numri i përgjithshëm i vdekjeve nga ky virus në vend është rritur në 27.778, transmeton Anadolu Agency (AA).
Autoritetet shëndetësore spanjolle raportuan rritjen e rasteve të zbuluara me koronavirus në mbi 232 mijë, me 295 të infektuar në 24 orët e fundit. Aktualisht në spitale janë të shtruar 124.159 pacientë të prekur nga ky virus.
Përhapja e pandemisë COVID-19 ka shënuar një ulje të ndjeshme në vend krahasuar me më pak se dy muaj më parë kur regjistroheshin rreth 9 mijë infeksione dhe rreth 950 vdekje në ditë.
Aktualisht, rreth 70 për qind e Spanjës ka filluar të lehtësojë masat e rrepta të bllokimit dhe përderisa lëvizshmëria fillon të rritet, sot ministri i Shëndetësisë, Salvador Illa, njoftoi se nga dita e nesërme mbajtja e maskave do të jetë e detyrueshme në hapësirat publike.
Detajet do të shpjegohen në dekretin zyrtar nesër në mëngjes, por Illa tha se maska do të kërkohet ligjërisht në "hapësira të mbyllura dhe hapësira publike në natyrë ku nuk mund të sigurohet distanca minimale prej dy metrash midis njerëzve".
Illa tha se qeveria nuk do të shpërndajë maska, por se çmimi maksimal i maskave kirurgjikale është vendosur në 0,96 euro.
Pasi për herë të parë u shfaq dhjetorin e kaluar në Wuhan të Kinës, koronavirusi është përhapur në mbarë botën, ndërsa Organizata Botërore e Shëndetësi (OBSH) shpërthimin e ka shpallur pandemi globale.
Sipas të dhënave nga Universiteti John Hopkins me qendër në SHBA, numri i rasteve të zbuluara me COVID-19 ka tejkaluar shifrën 4.83 milionë, me mbi 1.8 milionë të shëruar dhe mbi 319 mijë të shëruar.
