Fatih Karagumruk kundër Galatasaray në ndeshjen e Super Ligës turke

Galatasaray sot do të kërkojë fitoren e tetë përballë Fatih Karagumruk në javën e 13 të Super Ligës Turke, raporton Anadolu Agency (AA).

Ndeshja do të fillojë në orën 19:00 sipas kohës lokale (ora 16:00 sipas kohës së Evropës Qendrore) në stadiumin "Esenyurt Necmi Kadioglu" të Stambollit.

Në fund të javës së 12-të, "Luanët" kishin mbledhur 23 pikë me shtatë fitore, dy barazime dhe dy humbje, duke i vendosur ata në vendin e dytë ndërsa me katër fitore, pesë barazime dhe tre humbje, Fatih Karagumruk radhitet në vendin e nëntë me 17 pikë.

Për shkak të lëndimeve nuk do të luajnë lojtarët e Galatasarayit, Falcao, Fernando Muslera dhe Marcelo Saracchi.

Kerem Akturkoglu është gjithashtu jashtë skuadrës pasi doli pozitiv me koronavirus.

Ndërkaq, në skuadrën e Fatih Karagumruk do të mungojnë, Ervin Zukanoviç dhe Cristobal Jorquera për shkak të lëndimeve ndërsa Erik Sabo dhe Badou Ndiaye do të humbasin ndeshjen për shkak të përjashtimit me karton të verdhë.

Kryesuesi i tabelës në Super Ligë, Aytemiz Alanyaspor do të luajë kundër Yukatel Denizlispor të dielën ndërsa skuadra e vendit të tretë, Fenerbahçe do të përballet me Gaziantep FK të shtunën.

Të dielën, Besiktas do të ndeshet me Buyuksehir Belediye Erzurumspor në shtëpi.

Java e 13-të:

E premte:

Fatih Karagumruk - Galatasaray

E shtunë:

Goztepe - Atakas Hatayspor

Yeni Malatyaspor - Kasimpasa

Trabzonspor - Caykur Rizespor

Gaziantep FK - Fenerbahçe

E diel:

Genclerbirligi - MKE Ankaragucu

Yukatel Denizlispor - Aytemiz Alanyaspor

Besiktas - Buyuksehir Belediye Erzurumspor​​​​​​​

E hënë:

Ittifak Holding Konyaspor - Demir Grup Sivasspor

Fraport TAV Antalyaspor - Hes Kablo Kayserispor