Fenerbahçe përforcohet me basketbollistin Marko Guduriç

STAMBOLL (AA) – Basketbollisti i Cërvena Zvezdës nga Beogradi, Marko Guduriç, ka mbëritur në Stamboll, për të vazhduar karrierën e tij në radhët e kampionit aktual të Evropës dhe Turqisë, Fenerbahçe Dogus, raporton Anadolu Agency (AA).

Guduriç sot i është nënshtruar kontrollit mjekësor në klinikën Medical Park, pas çka pritet të nënshkruajë kontratën dhe të prezantohet zyrtarisht si një përforcim i ri i klubit nga Stambolli, të cilin e drejton trajneri Zheljko Obradoviç.

Lojtari 22 vjeçar i talentuar, kaloi në radhët e Fenerbahçes, pasi paraprakisht klubi i pagoi Cërvena Zvezdës shumën rekorde të kompensimit prej një milion euro.