NBA, Leonard dërgon Raptors-in drejt Finales së Lindjes

Super ylli i Toronto Raptors, Kawhi Leonard, shënoi në sekondat e fundit kundër Philadelphia 76ers për të dërguar ekipin e tij në finalen e Konferencës së Lindjes në Ligën Amerikane të Basketbollit (NBA), raporton Anadolu Agency (AA).

Shënimi në sekondat e fundit i dha Raports-it fitoren me rezultatin 90-92, duke eliminuar 76ers-in në ndeshjen e shtatë për të avancuar në Finalen e Lindjes kundër Milwaukee Bucks.

Leonard shënoi 41 pikë, duke përfshirë edhe goditjen më të madhe në historinë e ekipit.

Raptors arriti finalet e Konferencës Lindore vetëm një herë në historinë e tij të shkurtër të franshizës, në vitin 2016.

Blazers fitojnë në ndeshjen e shtatë drejt Finales së Perëndimit

Portland Trail Blazers mposhtën Denver Nuggets-in me rezultatin 100-96 të dielën pasdite për të arritur në finalen e Konferencës Perëndimore.

CJ McCollum shënoi 37 pikë për fitoren e ekipit të tij, duke u rikthyer nga deficiti prej 17 pikësh.

Blazers do të përballen me Golden State Warriors në Finalen e Perëndimit.

Konferenca Lindore

(1) Milwaukee Bucks 4-1 Boston Celtics (4)

(2) Toronto Raptors 4-3 Philadelphia 76ers (3)

Konferenca Perëndimore

(1) Golden State Warriors 4-2 Houston Rockets (4)

(2) Denver Nuggets 3-4 Portland Trail Blazers (3)