Can Erözden
10 Qershor 2022•Përditësim: 12 Qershor 2022
Kampioni i shtatëfishtë i botës në Formula 1, Lewis Hamilton, u bë qytetar nderi i Brazilit të enjten vonë, duke shprehur afinitetin e tij për vendin, transmeton Anadolu Agency (AA).
"Nuk kam fjalë. Sot më dhanë shtetësinë si qytetar nderi në një nga vendet e mia më të preferuara në botë. Nuk kam fjalë për momentin", shkroi në Instagram piloti 37-vjeçar britanik i Mercedesit, Hamilton.
“Faleminderit Brazil, të dua, mezi pres të të shoh përsëri”, shtoi ai.
Hamilton gjithashtu lavdëroi ish-pilotin brazilian të F1 Ayrton Senna, duke e quajtur atë një idhull.
Në nëntor të vitit 2021, piloti britanik thuri lavd për Senna-n, duke e quajtur atë "frymëzimin e tij më të madh".
Ai shkroi: “Ishte mënyra se si ai garonte, pasioni i tij për jetën dhe për sportin. Por më shumë se çdo gjë ishte mënyra se si ai u përball i vetëm me një sistem që nuk ishte gjithmonë i këndshëm me të. Qoftë i përjetshëm përkujtimi për Ayrton Senna-n".
Fitues i Çmimit të Madh të Brazilit të 14 nëntorit 2021 në Sao Paulo, Hamilton shpalosi flamurin brazilian në podium, pavarësisht se ishte shtetas i Britanisë së Madhe.
Senna humbi jetën më 1 maj 1994 në moshën 34-vjeçare pas një aksidenti gjatë Çmimit të Madh të San Marinos në Imola të Italisë.
Fituesi i kampionateve botërore të 1988, 1990 dhe 1991, Hamilton ende shihet si një nga pilotët më të mëdhenj në historinë e Formula 1.
Në dhjetor 2021, Hamilton u shpall kalorës nga vendi i tij për shërbimin e tij në botën e sporteve motorike.
Nënkampioni i Kampionatit Botëror të Formula 1 2021, Hamilton, shënoi 103 fitore dhe 183 herë u ngjit në podium në karrierën e tij.
