Bozdağ: TSK operacion edhe në Munbixh nëse terroristët nuk largohen

ANKARA (AA) - Zëvendëskryeministri i Turqisë dhe zëdhënësi i Qeverisë, Bekir Bozdağ, në lidhje me operacionin "Dega e Ullirit" në Afrin të Sirisë është shprehur se Forcat e Armatosura të Turqisë (TSK) do të hyjnë edhe në Munbixh nëse terroristët nuk largohen nga ky rajon, raporton Anadolu Agency (AA).

"Nëse Munbixhi nuk pastrohet nga terroristët, sigurisht që TSK do të hyjë atje për mbijetesën e popullit dhe shtetit tonë, për integritetin e pandarë të territorit tonë, për sigurinë e kufijve tanë, për sigurinë e qytetarëve dhe për mos formimin një shteti terrorist menjëherë pranë nesh. Turqia është e detyruar ta bëjë këtë sepse ajo nuk ka preferencë në këtë pikë. Askush nuk duhet të na detyrojë të hedhim hapa të tillë. Gjithashtu nuk kanë të drejtë të gjykojnë 'përse Turqia ka hedhur këto hapa' kur na detyrojnë", ka theksuar Bozdağ, i cili i është përgjigjur pyetjeve në lidhje me operacionin "Dega e Ullirit" në një transmetim direkt në CNN Türk.

Bozdağ ka vënë në dukje se nëse nuk arrihet ndonjë zhvillim pas operacionit "Dega e Ullirit", operacioni i tretë që Turqia do të nisë në këtë rajon, do të jetë në Munbixh. Sipas tij Turqia asnjëherë deri më sot nuk i ka mashtruar zyrtarët amerikanë dhe se u kanë propozuar zyrtarëve të SHBA-ve që të kryejnë së bashku edhe operacione tokësore.

Zëvendëskryeministri i Turqisë tha se SHBA nuk e ka pranuar këtë propozim, ku SHBA është shprehur se do t'i kryejë (operacionet) bashkë me PYD/YPG-në. Ai ka shtuar se në këtë proces SHBA nuk e ka mbajtur fjalën e dhënë, përkundrazi ka vepruar ndryshe nga premtimet që i ka bërë Turqisë.

"Autoritetet amerikane kanë bërë një deklaratë se 'Ne nuk përballemi me Turqinë'. Edhe ne theksojmë të njëjtën gjë, që nuk dëshirojmë aspak të përballemi me SHBA-në as në Munbixh, as në lindje të Eufratit dhe as në një vend tjetër. Por në këtë çështje SHBA-ja duhet të tregojë një ndjeshmëri të ngjashme me ndjeshmërinë e treguar nga Turqia. Nëse një ushtar amerikan vesh uniformën e terroristëve dhe njëlloj si ata në mes të terroristëve sulmon Forcat e Armatosura të Turqisë atëherë pa hezitim nuk kemi mundësinë të bëjmë dallimin në këtë pikë. Qeveria e SHBA-ve duhet t'i largojë nga rajoni ushtarët e saj që të mos të mos përballen me ushtarët turq", ka theksuar Bozdağ".