Berşoya Hesenkêfa navçeya Batmanê ku di lîsteya "Cittaslow"ê ya bajarên aram da cî digire wê êdî nerije Çemê Dicleyê.
Li Hesenkêfa ku di bin tesîra Bendava Ilisu û Projeya HESê da dimîne xebatên ji bona parastina tebîet û nirxên çandî û dîrokî dewam dikin.
Li navçeyê ji xeynî xebatên çandî û dîrokî bi projeyên tên meşandin tebîet û derdor jî tên parastin.
Berşoya Hesenkêfa navçeya Batmanê ku di lîsteya "Cittaslow"ê ya bajarên aram da cî digire wê êdî nerije Çemê Dicleyê. ( Muhyeddin Beyca - Anadolu Agency )
Midûriyeta Giştî ya Karên Avê ya Dewletê bi budçeyeke bi 845 hezar lireyî tesîsa dapalandina avê çêkir û li tesîsê rojê hezar û 200 mêtrokup av tê dapalandin û wê Çemê Dicleyê paqij bimîne.
Qaymeqamê Hesenkêfê Haluk Koç daxuyanî da nûçegihanê AAyê û destnîşan kir navçeya dîrokî ji xeynî arambûna xwe ji bona paqij be jî dixebitin.
Koç diyar kir dewlet ji xeynî berhemên dîrokî qîmetê dide tebîetê jî û wiha got: "Li Hesenkêfa nû tesîsa dapalandina avê temam bû û êdî berşoya navçeya dîrokî tê dapalandin."
Haluk Koç destnîşan kir bi zêdebûna projeyên bi vî rengî wê ava Çemê Dicleyê paqij bimîne û got ku ava paqij ji bona masî û însanan jî girîng e.
Koç diyar kir bi alîkariya Midûriyeta Giştî ya Karên Avê ya Dewletê bi budçeyeke bi 845 hezar lireyî tesîsa dapalandina avê hat çêkirin û got ku li tesîsê rojê hezar û 200 mêtrokup av tê dapalandin.
