Ji Tirkiyeyê daxuyaniya nû li ser Minbicê

TBMM

Wezîrê Parastina Neteweyî Nurettîn Canîklî wiha got, "Hemû ciyên ku rêxistinên terorî lê ne, heya ku ev der ji van rêxistinan werin paqijkirin hedefa Tirkiyeyê ne."

Canîklî li Meclisê beriya Komcivîna AK Partiyê ya Meclisê bersiv da pirsên rojnamegeran.

Bi Canîklî dan bibîrxistin ku AK Partiyê di manîfestoya xwe ya hilbijartinê da ciyekî girîng daye têkoşîna terorê û wî jî wiha bersiv da, "Hemû ciyên ku rêxistinên terorî lê ne, heya ku ev der ji van rêxistinan werin paqijkirin hedefa Tirkiyeyê ne."

Canîklî herwiha bal kişand ku binê vê yekê di mafestoyê da jî hatiye xêzkirin û wiha pê da çû, "Divê başûrê Tirkiyeyê û sînorên Tirkiyeyê ji rêxistinên terorî bên paqijkirin. Heger na Tirkiye wê xwe bi ewle nizanibe. Ji ber vê qasê, her ciyekî ew lê ne, şert û merc çi dibin bira bibin, rêxistinên terorê û terorîstên li wan deran hedefa me ne."

Hat destnîşankirin ku hin îdia hene ku Amerîka wê ji Minbicê vekişe ku Canîklî jî wiha axivî:

"Beriya Pompeo bibe Wezîrê Karên Derva di mijara nexşerêyê da lihevkirinek çêbûbû. Ew hevdîtin dewam dikin. Em dixwazin ku mesele bêyî şer û pevçûn hel bibe, daxwaza me ev e. Em zorê didin vê yekê. Ji ber hindê hevdîtin ji bo çareseriyê hê jî li ser maseyê ne. Beriya dawî li vê were, divê mirov rêbazên din nexe dewrê. Dawiya dawî Amerîka di nava NATOyê da mitefiqê me ye."