بڕیاری دەستگیرکردن بۆ ٢٠ گومانلێکراوی دۆسیەی کوشتنی خاشقچی

ئەنقەرە - AA

وەزارەتی دادی تورکیا داوای دەستگیرکردنی ٢٠ گومانلێکراوەکەی تاوانی کوشتنی خاشقچی لە لیستی سوور کرد.

بەپێی ئەو راگەیەندراوەی لە ھەژماری تایبەتی تویتەری وەزارەتی دادی تورکیا بڵاوکراوەتەوە، داوایەکی بەمەبەستی دەرکردنی بڕیاری دەستگیرکردنی نێودەوڵەتی لە لیستی سوور بۆ ٢٠ گومانلێکراوی تاوانی کوشتنی خاشقچی پێشکەش کرد.

لە راگەیەندراوەکەدا ئاماژە بەوە کراوە کە داوایەکە پێشکەش بە سکرتاریەتی گشتی ئینتەرپول کراوە و بەم ھۆیەوەش بڕیاری دەستگیرکردن لە لیستی سوور بۆ ئەو گومانلێکراوە دەرکراوە.

بەپێی بڕیارەکە ئەو ٢٠ گومانلێکراوە لە گشت جیھان داواکراو دەبن.

رۆژنامەنووسی سعوودی، جەمال خاشقچی لە ٢ی تشرینی یەکەمی ٢٠١٨ لە کۆنسولخانەی سعوودیە لە شاری ئیستانبوڵ کوژرابوو.