Ekip
27 Nëntor 2020•Përditësim: 27 Nëntor 2020
Akademikja Kylie Moore-Gilbert ka mbërritur përsëri në Australi dhe së shpejti do të ribashkohet me familjen e saj pas më shumë se dy vjet në një burg iranian, transmeton Anadolu Agency (AA).
Moore-Gilbert u prit nga zyrtarët e shëndetit publik dhe anëtarët e Forcave Australiane të Mbrojtjes pas zbritjes së saj nga avioni në aeroportin e Kanberras.
Ministrja e Jashtme e Australisë, Marise Payne ka thënë se Moore-Gilbert do të duhet të futet në karantinë para se të hyjë përsëri.
Akademikja britaniko-australiane nga Universiteti i Melburnit u lirua në fillim të kësaj jave pas 804 ditësh të kaluara prapa hekurave me akuzat për spiunazh. Ajo u la e lirë në këmbim të 3 iranianëve që mbaheshin në Tajlandë.
