Australia do të rihapë kufijtë

Australia sot paralajmëroi rihapjen e kufijve të saj për turistët e vaksinuar plotësisht nga 21 shkurti, transmeton Anadolu Agency (AA).

Në një deklaratë nga Kabineti i Kryeministrit thuhet se vendi do të rihapet për të gjithë mbajtësit e vizave plotësisht të vaksinuar, duke mirëpritur kthimin e turistëve, udhëtarëve afaristë dhe vizitorëve të tjerë.

“Këto ndryshime do të sigurojnë që ne të mbrojmë shëndetin e australianëve ndërsa vazhdojmë të sigurojmë rimëkëmbjen tonë ekonomike”, tha kryeministri Scott Morrison.

"Sistemi shëndetësor i Australisë ka demonstruar qëndrueshmërinë e tij gjatë gjithë pandemisë së COVID-19, përfshirë edhe valën e fundit të variantit Omicron. Me përmirësimin e kushteve shëndetësore, përfshirë një rënie të kohëve të fundit prej 23 për qind të shtrimeve në spital për shkak të COVID-it, Komiteti i Sigurisë Kombëtare i Kabinetit ra dakord sot se Australia është gati. Për të avancuar më tej rihapjen e kufirit tonë ndërkombëtar”, shtoi ai.

Ata mbajtës të vizave që nuk janë vaksinuar plotësisht do të duhet të aplikojnë për përjashtim udhëtimi dhe nëse qeveria miraton kërkesën e tyre për të hyrë në Australi, ata do të duhet të karantinohen.

Morrison tha se vendimi i ri për të rihapur kufijtë për turistët do të nxiste turizmin.