Australia regjistron ditën më të nxehtë

Australia dje ka përjetuar ditën e saj më të nxehtë, tha Departamenti i Meteorologjisë, transmeton Anadolu Agency (AA).

Një valë e nxehtë në vend po thyen shumë rekorde të gjata.

Byroja e Meteorologjisë (BOM) në twitter njoftoi se dje temperatura mesatare maksimale në të gjithë vendin arriti në 40.9 gradë celsius, duke thyer një rekord gjashtë vjeçar.

Temperaturat në shumë rajone të tjera në të gjithë Australinë arritën në 40 celsiusë, duke përfshirë Cedunan e Australisë Jugore, Birdsville të Queensland-it dhe Lajamanu të territorit verior.