Austria dëbon 4 diplomatë rusë

Austria ka vendosur të dëbojë katër diplomatë rusë për shkelje të Konventës së Vjenës, raporton Anadolu Agency (AA).

"Katër diplomatë rusë në Austri kanë shfaqur një qëndrim që nuk është në përputhje me Konventën e Vjenës", thuhet në deklaratën e Ministrisë së Jashtme të Austrisë.

Shtohet se personat në fjalë ishin të përfshirë në aktivitete të kundërzbulimit dhe iu kërkua të largoheshin nga vendi.

Në shtatë ditët e fundit, 180 diplomatë rusë u dëbuan nga Evropa për shkak të vdekjes së civilëve në qytetin ukrainas Bucha. Austria, e cila ka statusin e neutralitetit të përhershëm, i është bashkuar listës së vendeve që dëbojnë diplomatët rusë.

Që nga fillimi i luftës Rusi-Ukrainë më 24 shkurt, pothuajse 15 vende evropiane kanë dëbuar më shumë se 330 diplomatë rusë.