Eksportet e naftës nga Libia në nivelin më të ulët në 18 muajt e fundit

Pas mbylljes së fushave dhe porteve të rëndësishme të naftës në Libi, autoritetet njoftuan se eksportet e naftës nga vendi kanë rënë në nivelin më të ulët në 18 muaj, transmeton Anadolu Agency (AA).

Sipas të dhënave të “Bloomberg”, Libia eksportoi 979 mijë fuçi naftë në ditë në mars dhe 819 mijë fuçi në ditë në prill. Një pjesë e konsiderueshme e eksporteve të naftës shkoi në Itali, Spanjë dhe Kinë.

Të dhënat e fundit tregojnë se është realizuar eksporti më i ulët që nga tetori 2020.

Korporata Kombëtare e Naftës së Libisë (NOC) njoftoi më 17 dhe 18 prill se prodhimi dhe eksportet do të pushonin në fushat e naftës El-Feel dhe Sharara në jug dhe në portet e Zeytun dhe Brega në lindje.

NOC më pas njoftoi më 1 maj se vendimi për të pezulluar prodhimin dhe eksportet në portin e Zeytunas ishte anuluar për të parandaluar një fatkeqësi të mundshme mjedisore.

Sharara, e cila ka një kapacitet prodhimi ditor prej 300 mijë fuçi nafte bruto, njihet si fusha më e madhe e naftës në Libi. Rreth 125 mijë fuçi naftë prodhohen çdo ditë në fushën e naftës El-Feel.