Forcat izraelite arrestojnë 5 palestinezë në Bregun Perëndimor

RAMALLAH (AA) – Forcat izraelite arrestuan pesë palestinezë në bastisjet e kryera në të gjithë Bregun Perëndimor të pushtuar, bëri të ditur ushtria izraelite, raporton Anadolu Agency (AA).

Personat u arrestuan për "përfshirje të dyshuar në aktivitetet terroriste popullore", tha ushtria në një njoftim, pa publikuar detaje mbi natyrën e këtyre aktiviteteve.

Forcat izraelite shpesh kryejnë fushata të gjera të arrestimit në të gjithë Bregun Perëndimor të pushtuar dhe Kuds me pretekstin e kërkimit të palestinezëve "të kërkuar".

Sipas shifrave palestineze, më shumë se 6.000 palestinezë vazhdojnë të vuajnë në qendrat e paraburgimit në Izrael, duke përfshirë gjashtë anëtarë të parlamentit, 52 gra dhe 270 të mitur.