Fundoset anija në Indonezi, 15 të zhdukur

TUBAN (AA) - Tre patrulla policore janë vënë në kërkim të 15 personave të zhdukur, pas përmbytjes së anijes së peshkimit në Indonezi, raporton Anadolu Agency (AA).

Agjencia Kombëtare për Menaxhimin e Katastrofave ka njoftuar se në anije ndodheshin 27 persona, kur ajo u godit nga anija vietnameze në bregdetin e qytetit port Tuban në Java.

Kreu i Departamentit rajonal për menaxhimin e katastrofave Joko Ludiyono tha se nuk ka asnjë tregues se viktimat do të mund të gjenden.

Ky është aksidenti i dytë ujor në Indonezi gjatë këtij muaji.

Në fillim të nëntorit, 54 persona humbën jetën kur një anije me 98 punonjës, emigrantë, u përmbyt pranë ishullit Batam në Detin e Kinës Jugore.