Gjermani, "çrregullime të mëdha" në aeroporte pas grevës së stafit të sigurisë

Funksionimi normal mund të ndërpritet pasi personeli i sigurisë në aeroportet kryesore të Gjermanisë do të hyjë në grevë sot, transmeton Anadolu Agency (AA).

Në aeroportin e Frankfurtit, qendra më e ngarkuar e vendit, greva pritet të shkaktojë "çrregullime të mëdha dhe anulime fluturimesh" gjatë gjithë ditës, tha operatori Fraport.

“Në veçanti, pikat e kontrollit të sigurisë jashtë zonës së tranzitit do të mbeten të mbyllura”, tha operatori në Twitter, duke këshilluar pasagjerët të kontrollojnë linjat e tyre ajrore dhe të shmangin ardhjen në aeroport.

Stafi i sigurisë në aeroportet e Hamburgut, Shtutgartit dhe Karlsruhes/Baden-Baden do të organizojë gjithashtu një marsh tërëditor, sipas një deklarate nga sindikata "Ver.di".

Sindikata, e cila përfaqëson rreth 25 mijë punonjës personel sigurie, po kërkon rritje të pagave për orë dhe përmirësime të tjera të kushteve të punës.

Raundi i radhës i negociatave për pagat pritet të zhvillohet në Berlin të mërkurën dhe të enjten.