Greqi, punonjësit shëndetësorë protestë kundër vaksinimit të detyruar

Qindra punonjës të kujdesit shëndetësorë grek të shoqëruar nga ambulanca me sirena të aktivizuara marshuan nëpër Athinën qendrore për të protestuar kundër rregulloreve për vaksinim të detyruar për të gjithë punonjësit në sektorin e tyre, transmeton Anadolu Agency (AA).

Sipas rregullores, e cila hyri në fuqi të mërkurën, çdo punonjës i kujdesit shëndetësor që nuk është i vaksinuar kundër COVID-19 ose nuk është shëruar nga sëmundja brenda 6 muajve të fundit do të pezullohet nga puna pa pagesë.

Rreth 400 protestues u mblodhën para Ministrisë së Shëndetësisë në qendër të kryeqytetit grek, para se të marshonin drejt parlamentit të shoqëruar nga dhjetëra autoambulanca. Protestuesit thonë se nuk janë kundër vaksinimit por kundërshtojnë t’i bëjnë ato të detyrueshme dhe thonë se masa do të çojë në mungesë të stafit.

Qeveria kundërshton se masa, e cila vlen për të gjithë punonjësit e kujdesit shëndetësor në sektorin privat dhe publik si dhe për punonjësit në shtëpitë e kujdesit për të moshuarit, është e nevojshme për të mbrojtur më të prekurit mes një rritjeje të tretë të infeksioneve me COVID-19 në vend.

Më shumë se 5.7 milionë njerëz janë vaksinuar plotësisht në Greqi, një vend me rreth 11 milionë banorë. Infeksionet dhe vdekjet janë rritur gjatë verës ndërsa shtrimet në spital kanë filluar të bëjnë presion mbi sistemin shëndetësor. Greqia ka regjistruar gjithsej mbi 590 mijë raste me COVID-19 dhe më shumë se 13.700 vdekje.

Qeveria ka prezantuar një sërë kufizimesh për ata që nuk janë vaksinuar, përfshirë kërkimin e testeve javore për punëtorët dhe kufizimin e qasjes në vende të caktuara argëtimi për ata që janë vaksinuar plotësisht ose të shëruar kohët e fundit, si nxitje për të rritur vaksinimet.