Incidente para Kongresit të AfD në Gjermani

BERLIN (AA) - Para kongresit të mbajtur në Stuttgart nga Partia e djathtë ekstreme dhe anti-islamike "Alternativa për Gjermaninë" shënohen incidente mes policisë dhe protestuesve, raporton Anadolu Agency (AA).

Në një deklaratë të publikuar nga policia e Stuttgartit theksohet se jashtë ambientit të ndërtesës ku do të mbahej kongresi ndodheshin rreth 800-900 protestues dhe se disa rrugë që të çonin drejt saj ishin të bllokuara nga protestuesit.

Në deklaratën ku vihet në dukje se protestuesit kanë sulmuar policinë me fishekzjarre dhe pishtarë thuhet ndër të tjera se kundër protestuesve është përdorur gaz lotsjellës dhe se qindra prej tyre janë ndaluar.