Kina pezullon fluturimet me Britaninë

Kina njoftoi sot se ka pezulluar trafikun ajror me Britaninë e Madhe për shkak të variantit të ri të koronavirusit vdekjeprurës (COVID-19), transmeton Anadolu Agency (AA).

"Duke marrë parasysh praktikat e vendeve tjera, Kina ka vendosur të pezullojë fluturimet midis Kinës dhe Britanisë së Madhe për shkak të variantit të ri të virusit", bëri të ditur zëdhënësi i Ministrisë së Jashtme, Wang Wenbin në një konferencë për media në Pekin, sipas të përditshmes “Global Times”.

Më herët këtë javë, Kina pezulloi strukturën e lëshimit të vizave në Londër si një masë kundër COVID-19.

Më shumë se 40 vende, përfshirë Turqinë dhe ato nga Evropa, kanë pezulluar trafikun ajror me Britaninë pas zbulimit të variantit të ri të koronavirusit në këtë vend. Disa prej tyre, përfshirë Francën, mbyllën gjithashtu kufirin e tyre tokësor.

Varianti i ri i COVID-19 raportohet se përhapet 70 për qind më shpejt.