Këngëtarja britanike Adele nuk lejon Trump të përdorë këngët e saj

LONDËR (AA) - Këngëtarja e famshme britanike Adele nuk ka lejuar që këngët e saj të përdoren në fushatën e Donald Trump, kandidati i republikanëve për zgjedhjet presidenciale në SHBA, raporton Anadolu Agency (AA).

Në një deklaratë të bërë nga zyra e Adele thuhet se "Adele nuk ka lejuar që muzika e saj të përdoret në ndonjë fushatë politike".

Në deklaratën në fjalë vihet në dukje se kjo ka ardhur si pasojë e reagimeve të vazhdueshme të disa fansave të Adele të cilët nuk pëlqenin Trump dhe kishin reaguar që këngët e saj të mos përdoreshin në fushatë.

Ndër të tjera theksohet se këngët e njohura "Rolling In The Deep" dhe "Skyfall" të këngëtares Adele përdoreshin në fushatën e Trump.

Edhe ylli i rokut kanadezi Neil Young me Steven Tyler vokalistin e grupit amerikan Aerosmith ashtu si Adele patën reaguar që këngët e tyre të përdoreshin nga Trump dhe paralajmëruan që kjo të mos përsëritej.

Adele në një deklaratë më parë njoftoi se ishte mbështetëse "e plotë" e Partisë Laburiste në opozitë në Britani, liderin e Partisë Konservatore dhe kryeministrin britanik David Cameron e kishte cilësur si "pa tru".