Yunus Kaymaz
09 Shkurt 2020•Përditësim: 09 Shkurt 2020
Toronto Raptors e ka çuar në 14 serinë e fitoreve të njëpasnjëshme në Ligën Amerikane të Basketbollit (NBA) me fitoren e mbrëmshme kundër Brooklyn Nets, raporton Anadolu Agency (AA).
Kampionët aktualë mposhtën kundërshtarët me rezultatin e ngushtë 119-118, duke shënuar fitoren e 39-të totale në këtë sezon.
Lojtarët më të dalluar për Toronton ishin Fred VanVleet me 29 pikë Serge Ibaka dhe Pascal Siakam me nga 20 pikë.
Ndërkaq, 37 pikët koshashënuesit më të mirë të ndeshjes Caris LeVert nuk mjaftuan që Brooklyn Nets të shënojë fitoren. Basketbollistë të tjerë të dalluar te Nets ishin edhe Spencer Dinwiddie me 21 pikë dhe 11 asistime dhe DeAndre Jordan me 15 pikë dhe 14 kërcime.
Rekordi i mëparshëm i klubit me fitore të njëpasnjëshme ishte 12 ndeshje.
Rezultatet e ndeshjeve të mbrëmshme në NBA janë si në vijim:
Orlando Magic-Milwaukee Bucks: 95-111
Charlotte Hornets-Dallas Mavericks: 100-116
Detroit Pistons-New York Knicks: 92-95
Toronto Raptors-Brooklyn Nets: 119-118
Indiana Pacers-New Orleans Pelicans: 117-124
Minnesota Timberwolves-Los Angeles Clippers: 142-115
Golden State Warriors-Los Angeles Lakers: 120-125
Phoenix Suns-Denver Nuggets: 108-117
Sacramento Kings-San Antonio Spurs: 122-102
