Në Danimarkë mbyllet edhe një tjetër shkollë e FETÖ-s

KOPENHAGEN (AA) - Në Danimarkë janë mbyllur 2 prej 16 shkollave të lidhura me FETÖ-n që veprojnë në këtë vend, ndërsa 3 të tjera sipas Ministrisë së Arsimit kanë probleme ekonomike, raporton Anadolu Agency (AA).

Sipas lajmit të gazetës "Politiken", pas shkollës Ballerup Privatskole theksohet se është mbyllur edhe shkolla Östjylland Privatskole. Ndërsa shkollat Nilen Privatskole, Höje Taastrup Privatskole dhe Al-Salam Skolen kanë probleme ekonomike për arsyen e largimeve të mëdha të nxënësve nga shkollat.

Gjithashtu teksa bëhet e ditur se në disa shkolla zbatohen politika të kursimeve dhe largime nga puna, theksohet se në shkollën Österbro Privatskole ulja e numrit të nxënësve është 20 për qind, në shkollën Fyns Privatskole 50 për qind.

Gazeta "Politiken" e cila ka ndarë me lexuesit informacionin se shkollat e lidhura me FETÖ-n në Danimarkë kanë humbur më shumë se 600 nxënës, ka vënë në dukje se kjo shifër përbën 20 për qind të nxënësve që arsimohen në shkollat e lidhura me FETÖ-n në Danimarkë.

Edhe kanali televiziv shtetëror TV2 në Danimarkë, në muajin gusht kishte kryer një studim të ngjashëm ku për opinionin publik kishte njoftuar se 366 nxënës ishin larguar nga shkollat Ballerup Privatskole, Falster Efterskole, HAY Skolen, Hilleröd Privatskole, Höje Taastrup Privatskole, Höje Taastrup Private Gymnasium, Köbenhavns Private Gymnasium, Nilen Privat Skole, Österbro Privatskole, Österbro International School, Phönix Efterskole, Nilen Privat Skole, Slagelse Privatskole ile Vesterborg Efterskole, që televizioni i ka paraqitur si të lidhura me FETÖ-n.