OKB dërgon 66 maune me ndihma në Idlib

Organizata e Kombeve të Bashkuara (OKB) ka dërguar 66 maune me ndihma humanitare në Idlib, provincë në veriperëndim të Sirisë, raporton Anadolu Agency (AA).

Maunet që transportonin ndihma të OKB-së kaluan vendkalimin kufitar Cilvegoz, në qarkun Reyhanli, në Hatay të Turqisë.

Është konfirmuar se ndihma humanitare do t’u ndahet njerëzve në Idlib dhe zonave të përafërta rurale që me vite jetojnë në kushte shumë të vëshita.

Siria është në luftë civile që nga fillimi i vitit 2011, kur regjimi i Asadit duke përdorur forcën shpërndau demonstrantët pro-demokracisë.

Sipas të dhënave të OKB-së, qindra mijëra njerëz që atëherë janë vrarë, ndërsa më shumë se 10 milionë persona janë zhvendosur.