Raketa turke "Gökdoğan" godet objektivin me saktësi të plotë

Ministri i Industrisë dhe Teknologjisë së Türkiyes, Mehmet Fatih Kacır tha se raketa e parë vendase dhe kombëtare e Türkiyes ajër-ajër me rreze vizuale përtej rrezes "Gökdoğan" goditi avionin objektiv me saktësi të plotë gjatë testimit të qitjes, transmeton Anadolu.

Kacır ndau pamjet lidhur me gjuajtjen testuese të "Gökdoğan"-it në llogarinë e tij në rrjetet sociale, duke thënë: "Raketa e parë vendase dhe kombëtare e vendit tonë ajër-ajër përtej shikimit vizual 'Gökdoğan' goditi me saktësi të plotë avionin objektiv në testin e qitjes. Lëvizja e Teknologjisë Kombëtare për një Türkiye plotësisht të pavarur në teknologjitë kritike".

- "Një hap strategjik që forcon fuqinë tonë vendase dhe kombëtare"

Kreu i Industrive të Mbrojtjes i Presidencës, Haluk Görgün përmes një postimi tha se aftësia raketore ajër-ajër është një nga elementët më të rëndësishëm të dominimit dhe parandalimit ajror.

"Gökdoğan është një hap strategjik që forcon fuqinë tonë vendase dhe kombëtare në këtë fushë. Përgëzoj të gjitha institucionet, inxhinierët dhe industrinë tonë, veçanërisht TÜBİTAK SAGE i cili kontribuoi në këtë sukses. Kërkim dhe zhvillim i fortë, bashkëpunim i fortë, Türkiye e fortë", potencoi Görgün.