Schulz: Fitorja e Donald Trump është e padiskutueshme dhe duhet respektuar

BRUKSEL (AA) – Presidenti i Parlamentit Evropian (PE) Martin Schulz është shprehur se “Në SHBA folën votuesit. Fitorja e Donald Trump është e padiskutueshme dhe duhet respektuar. E uroj Trumpin dhe Partinë Republikane për fitoren”, raporton Anadolu Agency (AA).

Schulz ka bërë një deklaratë me shkrim pas fitores së kandidatit Republikan Donald Trump në zgjedhjet presidenciale në SHBA. “Në SHBA folën votuesit. Fitorja e Donald Trump është e padiskutueshme dhe duhet respektuar. E uroj Trumpin dhe Partinë Republikane për fitoren”, ka deklaruar ai.

Ai theksoi se Trump ka arritur të jetë bartësi i brengave dhe problemeve të miliona amerikanëve. “Duhet interesuar për këto brenga, politika dhe oferta të besueshme. Kjo fushatë nuk do të mbahet në mend si më e mira në Amerikë. Kiritkat e ashpra dhe polarizimi u bënë katalizator i mosmarrëveshjeve. Trump do të ketë detyrë frikësuese, që është bashkimi i një populli që është ndarë”, ka thënë Schulz.