Shpërthim bombe në Irak, një i vdekur

DIYALA (AA) – Një polic irakian ka humbur jetën dhe dy të tjerë u plagosën gjatë shpërthimit të bombës që ndodhi sot në lindje të Irakut, raporton Anadolu Agency (AA).

Kapiteni i policisë, Habib al-Shammari, për AA tha se bomba e kurdisur shpërtheu pasi një patrullë policore po kalonte në veri-lindje të qytetit Baquba në provincën Diyala.

Asnjë grup nuk ka marrë për sipër përgjegjësinë për sulmin. Al-Shammari tha se ka filluar hetimi lidhur me sulmin.

Gjatë javëve të fundit sulmet kundër forcave të sigurisë dhe civilëve janë në rritje në provincën Diyala në Irakun lindor.

Dhjetorin e kaluar, zyrtarët irakianë deklaruan se prania e terroristëve të DEASH-it në Irak ka marrë fund pas tre viteve luftë.

Megjithatë, kohë pas kohe, zyrtarët irakianë kryejnë operacione kundër celulave “të heshtura” të DEASH-it në disa pjesë të vendit.