Spanjë, 500 të vdekur si pasojë e temperaturave të larta të ajrit

Si pasojë e temperaturave ekstreme të larta të ajrit që janë të pranishme në Spanjë tashmë dhjetë ditë, kanë humbur jetën të paktën 500 persona, transmeton Anadolu Agency (AA).

Të dhënat e Agjencisë për Meteorologji të Spanjës (AEMET) tregojnë se nga 9 deri më 18 korrik janë regjistruar temperaturat më të larta të ajrit në këtë vend që nga viti 1975.

Kryeministri Pedro Sanchez tha se si pasojë e temperaturave ekstreme të larta të ajrit kanë vdekur mbi 500 persona.

Në Spanjë temperatura e ajrit kohë pas kohe tejkalon edhe 45 gradë, ndërsa disa mijëra hektarë e sipërfaqes pyjore është shndërruar në hi.