Ushtarët izraelitë arrestojnë 20 palestinezë të tjerë në Bregun Perëndimor

Ushtria izraelite ka arrestuar të paktën 20 palestinezë të tjerë në Bregun Perëndimor të pushtuar në 24 orët e fundit, transmeton Anadolu.

Në një deklaratë të përbashkët të lëshuar nga Shoqata e të Burgosurve Palestinez dhe Delegacioni i të Burgosurve dhe të Liruarve, të lidhur me Organizatën për Çlirimin e Palestinës, u njoftua se ushtarët izraelitë vazhduan bastisjet e tyre në Bregun Perëndimor të pushtuar.

Theksohet se në 24 orët e fundit në qytetet Betlehem, Hebron dhe Qalqilya të Bregut Perëndimor të pushtuar dhe në Kuds ushtarët izraelitë arrestuan të paktën 20 palestinezë, përfshirë fëmijë dhe ish-të burgosur

Raportohet se ushtarët izraelitë shkatërruan shtëpitë e palestinezëve dhe i keqtrajtuan ata gjatë bastisjeve.

Numri i palestinezëve të ndaluar në Bregun Perëndimor të pushtuar që nga 7 tetori i vitit 2023 është rritur në 8.950.

Që atëherë, kur Izraeli filloi sulmet ndaj Rripit të Gazës, ka pasur një rritje të ndalimeve, bastisjeve dhe sulmeve kundër palestinezëve në Bregun Perëndimor të pushtuar dhe Kudsin Lindor.