Vdes në moshën 117-vjeçare, njeriu më i vjetër në botë

117-vjeçarja Maria Branyas, e cila u regjistrua si personi më i vjetër i gjallë në botë në janar 2023, ndërroi jetë në Olot të Spanjës, transmeton Anadolu.

Familja e Branyas njoftoi në postimin e tyre në llogarinë X se gruaja 117-vjeçare vdiq në Olot të Spanjës.

Në postim thuhet: "Maria Branyas ka ndërruar jetë. Ajo vdiq e qetë dhe pa dhimbje në gjumë, ashtu siç dëshironte".

Në deklaratën e Grupit të Kërkimeve Gerontologjike, me seli në SHBA, raportohet se pas vdekjes së Branyas, 116-vjeçari japonez Tomiko Itooka mund të jetë personi më i vjetër i gjallë në botë.

Branyas, e cila lindi më 4 mars 1907 në San Francisco të SHBA-së, u zgjodh si personi më i vjetër i gjallë në botë nga Guinness World Records (GWR) pasi francezja Lucile Randon ndërroi jetë në janar 2023 në moshën 118-vjeçare.