Mesut Özil, "mbreti" i rrjeteve sociale

ANKARA (AA) - Mesut Özil, i cili luan tek Arsenal, është futbollisti i kësaj lige më i ndjekur në rrjetet sociale me 53.5 milionë fansa, raporton Anadolu Agency (AA).

Në një radhitje për sa i përket numrit të ndjekësve në rrjetet sociale si Facebook, Twitter dhe Instagram, Mesut Özil duket se kryeson renditjen e futbollistëve të Premier League.

Futbollisti gjerman me origjinë turke i cili në 6 ndeshje të luajtura ka dy asiste, në Facebook ka 31 milionë e 200 mijë ndjekës, në Twitter 13 milionë e 300 mijë dhe në Instagram 9 milionë ndjekës.

- I dyti në renditje Ibrahimoviç

Në vendin e dytë të renditjes ndodhet Zlatan Ibrahimoviç i cili pas mbarimit të kontratës me Paris Saint-German (PSG) arriti të firmosë me Manchester United. Ibrahimoviç ka mbi 50 milionë ndjekës në rrjetet sociale.

Ndërsa në vendin e tretë të renditjes ndodhet braziliani i transferuar nga PSG tek Chelsea, David Luiz me 49.3 milionë ndjekës në rrejtët sociale.

Ndërkohë lista e 10 futbollistëve më të ndjekur të Premier League është si vijon:

1- Mesut Özil (Arsenal) - 53,5 milionë ndjekës

2- Zlatan Ibrahimovic (Manchester United) - 50,5 milionë

3- David Luiz (Chelsea) - 49,3 milionë

4- Wayne Rooney (Manchester United) - 47,5 milionë

5- Sergio Aguero (Manchester City) - 27,3 milionë

6- Cesc Fabregas (Chelsea) - 22,5 milionë

7- Oscar (Chelsea) - 20,1 milionë

8- Bastian Schweinsteiger (Manchester United) - 20,1 milionë

9- Eden Hazard (Chelsea) - 20 milionë

10- Juan Mata (Manchester United) - 19 milionë