ئورفا.. رووداوێکی هاتوچۆ نۆ قوربانی لێكه‌وته‌وه‌

ئورفا - AA

له‌ ئه‌نجامی پێكدادانی دوو مینی پاس له‌ شارۆچكه‌ی سروج سه‌ربه‌ پارێزگای ئورفا، دوو كه‌س گیانیان له‌ده‌ستدا و حه‌وتی دیكه‌ش برینداربوون.

له‌سه‌ر رێگای سروج-بیره‌جك، مینی پاسێكی خوێندكاران له‌گه‌ڵ مینی پاسێكی كرێكاران پێكیاندادا.

به‌پێی زانیارییه‌ بەراییه‌كان لە رووداوەکەدا، دوو كه‌س گیانیان له‌ده‌ستداوه‌ و حه‌وتی دیكه‌ش برینداربوون.

ده‌ستبه‌جێ ژماره‌یه‌ك ئۆتۆمبێلی فریاكه‌وتن ره‌وانه‌ی شوێنی رووداوه‌كه‌ كراون و برینداره‌كان گه‌یه‌ندراونه‌ته‌ نه‌خۆشخانه‌ی سروج.