Etiopia vendos ushtrinë në rajonin Benishangul

Kryeministri i Etiopisë, Abiy Ahmed sot bëri të ditur se forca ushtarake janë vendosur në rajonin perëndimor Benishangul-Gumuz, pas sulmit nga një grup rebel që vrau më shumë se 100 civilë, transmeton Anadolu Agency (AA).

“Në mënyrë që të zgjidhet shkaku kryesor i problemit është vendosur forcë e nevojshme dhe e koordinuar”, shkroi Ahmed në Twitter. "Unë i bëj thirrje publikut të mbështesë veprimet e gjithanshme të qeverisë", tha ai.

Sulmi ndodhi në fshatin Bekoji në qarkun Bulen në zonën Metekel, një zonë e banuar nga grupe të shumta etnike.

Komisioni etiopian për të Drejtat e Njeriut tha se siguria e brishtë e rajonit duhet të përmirësohet. ‘’Forca dhe struktura e sigurisë së rajoneve duhet të përmirësohet për të mbrojtur plotësisht mirëqenien e publikut”, thuhet në deklaratën, duke bërë thirrje që autorët e krimit të nxirren para drejtësisë.

Sulmi erdhi një ditë pasi Abiy, i cili erdhi në pushtet në vitin 2018, shefi ushtarak i shtabit dhe zyrtarë të tjerë të lartë federalë vizituan rajonin për të kërkuar qetësi.

Rajoni perëndimor që kufizohet me Sudanin, ku ndodhet diga e Etiopisë e "Rilindjes së Madhe Etiopiane" prej 5 miliardë dollarësh në Nilin e Kaltër, ka regjistruar disa masakra të motivuara etnikisht në të cilat qindra pjesëtarë etnikë amhara u vranë.

Sipas Agjencisë shtetërore etiopiane të lajmeve, ushtria etiopiane pretendon se ka vrarë 42 rebelë të përfshirë në masakër.

Veçmas, forcat e sigurisë kanë luftuar rebelët në rajonin verior Tigray për më shumë se gjashtë javë.