Gjermani, numri i refugjatëve të regjistruar arrin në një milion

BERLIN (AA) - Numri i refugjatëve të regjistruar në Gjermani gjatë këtij viti ka arritur deri në një milion, raporton Anadolu Agency (AA).

Autoritetet gjermane kanë bërë të ditur se deri më sot në qendrat e pranimit në Gjermani janë regjistruar një milion refugjatë, gjegjësisht azilkërkues.

Sipas autoriteteve gjermane pas regjistrimit këta njerëz janë shpërndarë nëpër qytetet e Gjermanisë.

Vetëm gjatë nëntorit të këtij viti, në Gjermani kanë arritur mbi 200 mijë refugjatë të cilët kanë kërkuar azil në këtë vend.