Irani mohon transferimin e pajisjeve ushtarake në Armeni

Ministria e Jashtme e Iranit të martën mohoi raportet në lidhje me transferimin e armëve dhe pajisjeve ushtarake në Armeni, raporton Anadolu Agency (AA).

Zëdhënësi i ministrisë, Saeed Khatibzadeh, tha se Irani po shqyrton me kujdes mallrat që kalojnë përmes kufijve të saj.

"Irani nuk do të lejojë asnjë lloj transferimi të armëve dhe municioneve", deklaroi ai gjatë një konference shtypi në Teheran.

Ai tha se mallrat jo-ushtarake ende kalojnë midis Iranit dhe vendeve fqinje si zakonisht, duke shtuar se kamionët e dyshuar për bartjen e armëve po transportonin produkte tregtare normale.

Dhuna në vijën e frontit midis Azerbajxhanit dhe Armenisë shpërtheu të dielën pasi forcat armene sulmuan vendbanimet civile dhe pozicionet ushtarake të Azerbajxhanit.

Marrëdhëniet midis ish dy vendeve sovjetike kanë qenë të tensionuara që nga viti 1991, kur ushtria armene pushtoi Malësinë e Karabakut, një territor i njohur ndërkombëtarisht i Azerbajxhanit.

Katër rezoluta të Këshillit të Sigurimit të OKB-së dhe dy rezoluta të Asamblesë së Përgjithshme të OKB-së, si dhe shumë organizata ndërkombëtare, kërkojnë tërheqjen e forcave pushtuese.

Disa vende, duke përfshirë Francën, Rusinë dhe NATO-n, kanë bërë thirrje për një ndalimin e menjëhershëm të përleshjeve në rajonin e okupuar.