Kinë, rrëzohet avioni i China Eastern Airlines me 133 pasagjerë

Një avion i kompanisë China Eastern Airlines me 133 pasagjerë në bord është rrëzuar në Rajonin Autonom Guangxi Zhuang në jug Kinës, njoftoi media lokale, transmeton Anadolu Agency (AA).

Sipas raportimeve, avioni i pasagjerëve të tipit “Boeing 737” që shkonte nga Kunming, qendra e provincës Yunnan, për në Guangzhou, qendra e provincës Guandong në lindje, u rrëzua në një zonë malore në Rajonin Autonom Guangxi Zhuang.

Një zjarr ka shpërthyer në zonën ku u rrëzua avioni, ndërsa ende nuk është raportuar për viktima.