Marok, pas pauzës pesë mujore sërish vendosen fluturimet

Fluturimet ndërkombëtare, të cilat u pezulluan në Marok si pjesë e masave kundër përhapjes së një lloji të ri të koronavirusit (COVID-19), janë rivendosur pas një ndërprerje pesëmujore, raporton Anadolu Agency (AA).

Me vendosjen e fluturimeve, pati një interes të madh në Aeroportin Ndërkombëtar "Mohammed V", një nga aeroportet më të mëdhenj në vend, i cili ndodhet në qytetin Casablanca.

Që nga shkurti, Maroku ka ndaluar fluturimet për dhe nga më shumë se 50 vende.

Në deklaratën e Ministrisë së Jashtme të Marokut theksohet se javën e kaluar disa masa ishin lehtësuar pas uljes së numrit të infeksioneve të koronavirusit.

Disa masa do të jenë në fuqi në vend, të tilla si një certifikatë vaksinimi, një test i detyrueshëm i PCR-së ose karantina, varësisht prej cilit vend vijnë udhëtarët dhe çfarë është situata epidemiologjike në këtë zonë.