Putin dhe Merkel takohen në Moskë

Presidenti rus Vladimir Putin sot u takua me kancelaren gjermane Angela Merkel në kryeqytetin Moskë, transmeton Anadolu Agency (AA).

Kjo është vizita e fundit e Merkelit në Rusi si kancelare, me presidentin 67-vjeçar, para se të japë dorëheqje më vonë gjatë këtij viti.

Putin e hapi takimin duke theksuar rëndësinë e Gjermanisë si partneri i dytë më i madh ekonomik i Rusisë.

Pas një rënie në vitin 2020, tha ai, qarkullimi tregtar midis dy vendeve u dyfishua në gjysmën e parë të këtij viti.

"Ne kemi shumë çështje që duhet të diskutohen në një format personal. Pra, jam i sigurt se kjo nuk do të jetë vetëm një vizitë lamtumire e lidhur me vendimin tuaj për të mos kërkuar rizgjedhje si kancelare federale, por edhe një vizitë e mbushur me përmbajtje serioze, të ngjashme me biznesin”, tha Putin.

Duke pranuar se ky do të jetë udhëtimi i saj i fundit në Rusi si kancelare e Gjermanisë, Merkel tha se kishte shumë për të diskutuar me udhëheqësin rus, përfshirë situatën në Libi dhe Afganistan.

Ajo tha se Rusia dhe Gjermania kanë dallime në një numër çështjesh, por të dy vendet do të vazhdojnë dialogun dhe do të qëndrojnë në kontakt.