Spanja heq mbajtjen e detyrueshme të maskave në ambiente të jashtme

Spanja javën e ardhshme do të heqë mbajtjen e detyrueshme të maskave në ambiente të hapura, vendim që e mori në fund të vitit të kaluar me qëllim të ndalimit të përhapjes së llojit Omicron të koronavirusit të koronavirusit të ri (COVID-19) në këtë vend, transmeton Anadolu Agency (AA).

Pas konfirmimit se niveli i infeksionit ka arritur kulmin, qeveria spanjolle do të heqë nga e marta e ardhshme mbajtjen e detyrueshme të maskave në ambiente të hapura.

Mbajtja e maskave do të mbetet e detyrueshme në hapësirat publike të mbyllura, përfshirë transportin publik, por edhe jashtë, kur qytetarët nuk mund të mbajnë një distancë prej 1,5 metrash nga njëri-tjetri.

Të dhënat zyrtare nga Ministria e Shëndetësisë spanjolle tregojnë se përhapja e virusit u përshpejtua në nëntor dhe arriti kulmin më 21 janar, kur në një periudhë dyjavore u regjistruan 3.418 infeksione të reja për 100.000 banorë.

Të enjten, numri ra në 2.420 të infektuar për 100.000 banorë.