Vietnam, rritet në 26 numri i viktimave nga tajfuni "Bualoi"

Numri i të vdekurve nga tajfuni "Bualoi" në Vietnam u rrit në 26 ndërsa stuhitë, përmbytjet dhe rrëshqitjet e tokës goditën zonat veriore të vendit, thanë sot raportet e mediave lokale, transmeton Anadolu.

Të paktën 22 persona rezultojnë ende të zhdukur dhe numri mund të rritet, sipas medias "VnExpress".

Tajfuni, stuhia më vdekjeprurëse e vendit këtë vit, goditi provincën veri-qendrore Ha Tinh të hënën, duke sjellë valë tetë metrash, erëra të forta dhe gati 300 milimetra reshje shiu, duke dëmtuar më shumë se 135 mijë shtëpi dhe duke plagosur 105 persona.

Rreth 17 nga të zhdukurit janë peshkatarë të kapur në valë të mëdha pranë provincës Quang Tri të hënën. Përmbytjet dëmtuan gjithashtu 25.500 hektarë me oriz dhe të mbjella. Më shumë se 8.700 hektarë me akuakulturë u përmbytën.

Autoritetet evakuuan rreth 30 mijë njerëz përpara ciklonit ndërsa qindra fluturime u anuluan.

Tajfuni "Bualoi", i njohur edhe si "Stuhia nr. 10", tregon se kjo është stuhia me lëvizjen më të shpejtë ndonjëherë në Detin Lindor.

Stuhisë iu deshën më shumë se dy ditë (26 – 28 shtator) për të përshkuar më shumë se 1.000 kilometra dhe për të ndikuar drejtpërdrejt në rajonet veriore dhe qendrore të vendit.