Spanja kualifikohet në Kupën e Botës 2022

Spanja është kualifikuar në Kampionatin Botëror FIFA 2022 pas fitores 1-0 kundër Suedisë, transmeton Anadolu Agency (AA).

Sulmuesi spanjoll Alvaro Morata shënoi golin e fitores në minutën e 86-të në Sevilla dhe skuadra u kualifikua në turneun që do të mbahet vitin e ardhshëm në Katar.

Kampionja e Kupës së Botës 2010, Spanja mori 19 pikë në tetë ndeshje për të fituar Grupin B kualifikues evropian.

Në Kupën e Botës janë kualifikuar edhe Belgjika, Kroacia, Danimarka, Franca, Gjermania dhe Serbia.