Australian Open: Medvedev mposht Tsitsipasin, në finale përballë Nadalit

Daniil Medvedev do të përballet me Rafael Nadalin në finalen e turneut Australian Open 2022, pasi në gjysmëfinale mundi grekun Stefanos Tsitsipas, transmeton Anadolu Agency (AA).

Tenisti rus, bartës i dytë i turneut, vulosi fitoren me rezultatin 7-6, 4-6, 6-4, 6-1 në Rod Laver Arena në Melburn.

“Finalet në Grand Slam janë të veçanta. Unë jam gati”, tha ai pas fitores së tij.

Medvedev dhe Nadal do të përballen të dielën në Rod Laver Arena për të garuar për titullin e kampionit të turneut Australian Open 2022.