Fenerbahçe do ta presë Trabzonsporin në ndeshjen e Super Ligës

Trabzonspor do të kërkojë fitoren për të rritur moralin dhe për të tejkaluar ecurinë e dobët të tyre në ndeshjen e Super Ligës turke kundër Fenerbahçes të dielën, raporton Anadolu Agency (AA).

Ndeshja do të fillojë në ora 19:00 sipas kohës lokale (16:00 CET) në metropolin e Turqisë, në stadiumin Ülker.

Me 12 humbje dhe 11 barazime, ekipi mysafir nuk ka arritur të shijojë fitore në 23 ndeshje të kampionatit në stadiumin Ülker pasi fitorja e tyre e fundit në Kadıkoy ishte mbi dy dekada më parë, në vitin 1997, me rezultatin 3:1.

Trabzonspor aktualisht është në vendin e 14-të me pesë pikë, pasi fitorja e tyre e fundit ishte kundër Yeni Malatyaspor me rezultatin 3:1.

Fenerbahçe duhet të luftojë për fitore që të mbetet në garën për titull. Skuadra në vendin e dytë grumbulloi 11 pikë në pesë ndeshje deri më tani.

Kaltër e verdhët mposhtën ekipin Göztepe me një rezultat 3:2 në Izmir, ndërsa skuadra e Detit të Zi u mund nga Medipol Başakşehir 2:0 javën e kaluar.

Përveç formës së dobët, mesfushori turk Abdulkadir Parmak mund të mungojë në ndeshje. Ai nuk mori pjesë në stërvitjen e klubit sot.

Gjithashtu, ata do të luajnë pa mesfushorin ganez Caleb Ekuban pasi ai doli pozitiv me COVID-19.

Java e 6-të fillon të premten

Ndeshja hapëse e ditës së gjashtë të ndeshjes do të luhet në stadiumin Recep Tayyip Erdogan në Stamboll, ku Kasımpaşa do të përballet me Göztepen.

Ndeshja do të fillojë në ora 20:00 sipas kohës lokale (17:00 CET).

Me shtatë pikë, Kasımpaşa është në vendin e tetë, ndërsa Göztepe ka gjashtë pikë në vendin e dhjetë në tabelën e kampionatit.- Ndeshjet e javës së 6-të

E premte:

Kasımpaşa - Göztepe

E shtunë:

Gaziantep FK - Ittifak Holding Konyaspor

Büyükşehir Belediye Erzurumspor - Galatasaray

Medipol Başakşehir - Fraport TAV Antalyaspor

E diel:

Yeni Malatyaspor - Gençlerbirliği

Aytemiz Alanyaspor - Fatih Karagümrük

Fenerbahçe - Trabzonspor

E hënë:

Yukatel Denizlispor - Beşiktaş

Demir Grup Sivasspor - Caykur Rizespor

Ndeshja midis MKE Ankaragücü dhe Atakaş Hatayspor, e planifikuar për të shtunën, është pezulluar për shkak të infeksioneve me COVID-19 në skuadrën Hatayspor.